Friday, August 19, 2011

मेरी आमा : जन्मदिनको सुखद अवसरमा

"हेल्लो.. हे...हेल्लो...आमा.. !"
म त झसँग भएँ । मस्त निद्रामा थिए । आँखा च्यातेर बल्जफ्ती हेरेँ । मेरो आमालाई उनकी आमाको फोन आएको रहेछ । राम्ररी आवाज नसुनेकोले यता ऊता कुद्दै हुनुहुदों रहेछ । मेरो मामाघरे हजुरआमाको उमेर चाँही चौरानब्बे ।
 हत्तेरी गाँठे !मेरो त सुद्दी गएछ जस्तो लाग्यो नी एकचोटी त । चौरानब्बे बर्षकी हजुरआमाले जिते यो'पाली । जीउ मर्काउदै उठें ।
"ए मेरो जेठा अझै उठेको छैनौ?"  
 मेरी आमा हाँस्दै म'तिर आउनु भयो । हातमा पूजाको थाली थियो । मेरो जन्मदिनमा म उठ्नुपुर्व नै मेरो आमालाई जैले मेरो छेउमा पाउछु ।  मलाई म्वाइ खाएर सुभकामना दिएपछी जबर्जस्ती नुहाउन र पूजा गर्न लगाउनु  हुन्छ । मेरी आमा र उनको आमालाई हेर्दा देवी खोज्न मन्दिर जानु पर्दैन जस्तो लाग्छ । आमा खाट छेउमै आएर बस्नु'भो ।
"Happy Birthday आमै"। मैले लाडिएर आमालाई अँगालो हाले अनी दुबै गालामा म्वाइ खाए । आमा हाँस्दै भान्छा घरतिर लाग्नु'भो ।
मैले मेरो आमाको धेरै गुणहरु आफूमा पाएको छु । मेरो आमा जस्तै म पनि जन्म देखि साकाहरी भोजन गर्छु । मलाई अरु कुनै ब्यक्ति मांसाहारी भएकोमा आपत्ति भने छैन । तर मेरो आमालाई छ ।मेरो घरभित्र अण्डा ल्याउन पनि सख्त मनाही छ । यति मात्र कहाँ हो र ! पहाड घरमा आमा सानो छँदा एउटा टोल नै साकाहरी भएको थियो रे । मेरो मामाघर भन्दा माथि कामी टोल थियो । मामाघरको आगँन भएर कामी टोलको बाटो जान्थ्यो । उनीहरु डोकोमा हालेर मासु र रक्सी ओसार पसार गर्थे रे ! एकदीन मेरो आमाले थाहा पाउनु भएछ र रुदा रुदा बेहोस् हुनुभएछ । मेरो आमा त गाउँकै छोरी हुनुहुन्थ्यो रे ! त्यस दिन देखिबाट त्यो गाउमा  कसैले मासु खाएन रे !
 आमा भन्नु हुन्छ,शरणमा आएको भिक्षु र जनावरलाई खाली हाथ र खाली पेट नफर्काउनु रे,रिसाएको साँढेको बाटो नछेक्नु रे अनी बैगुणलाई गुणले तिर्नु रे । बैराग्य प्राप्त गरेका र भोकोलाई दिंदा करुणा र दयाभाव पैदा हुन्छ । आवेसमा आएकाहरुलाई उनीहरुकै अवस्थामा छोड्नाले आफुमा धैर्य प्राप्ती हुन्छ । आफ्नो नराम्रो चिताउनेको राम्रो गर्नाले खराब सोच र संगतबाट सदा टाढा भइन्छ रे ।
 त्यसैले होला मेरो आमा सधैं हस्नी खुशी रहन सकेको । त्यसैले होला टोल छिमेकमा मर्दा-पर्दा,चाड-पर्व,खुसी बाड्नुपर्दा मेरो आमाको खोजी हुन्छ ।    यस्ती मेरी आमाको चरणमा सदा मेरो सिर रहोस् ।  


No comments:

Post a Comment